İŞİD-in 3 komandiri öldürüldü

"Ölkə.Az" xəbər verir ki, bu barədə "Alsumaria" telekanalı məlumat yayıb. Verilən məlumata görə, ABŞ-ın rəhbərlik etdiyi beynəlxalq koalisiyanın qırıcılarının Mosulun qərbinə endirdikləri zərbə zamanı Mosulda İŞİD terror təşkilatının 3 komandiri məhv edilib. Öldürülən komandirlərdən biri rus, digəri çeçen olub.

"Hərbi Kəşfiyyat İdarəsinin xəbərinə görə, beynəlxalq koalisiya Mosulun qərbində İŞİD-in əcnəbi əsilli bir neçə komandirini daşıyan avtomobilə zərbə endirib. Hava zərbəsi nəticəsində İŞİD-in 3 komandiri öldürülüb. Onlardan biri – Əbu Hüzeyfə rus, "Əbu Tamar" isə çeçen əsillidir. Öldürülən üçüncü terrorçunun milliyyəti isə məlum deyil. Onujn “Əl- Mətyuti” ləqəbi il ətanındığı deyilir.

Qeyd edək ki, 2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb.

Ziya Səccad
Ölkə.Az