Misirdə terror aktında ölənlərin sayı 43-ə çatdı
Misirin Tanta və İskəndəriyyə vilayətlərində baş verən terror aktlarında ölənlərin sayı artır.
"Ölkə.Az" xəbər verir ki, baş verən partlayışlar nəticəsində 43 nəfər həlak olub, 119 nəfər isə yaralanıb.
Misirin paytaxtı Qahirədən 94 km şimalda, Nil deltasında yerləşən Tanta şəhərində bir kilsədə partlayış baş verib. İnsident nəticəsində 27 nəfər həlak olub, 78 nəfər isə yaralanıb. Bu hücumdan sonra polis mərkəzi yaxınlığında ikinci partlayış baş verib. İskəndəriyyənin "St. Mark" kilsəsi yaxınlığında baş verən ikinci partlayışda isə 16 nəfər həlak olub, 41 nəfər yaralanıb.
Qeyd edək ki, terror aktları xristianlar üçün müqəddəs sayılan İsa Peyğəmbərin Qüdsə girişinin qeyd edildiyi bayram günündə baş verib.
Hikmət
Ölkə.Az
