Rusiya Dumasında yeni qanun layihəsi

"Ölkə.Az" xəbər verir ki, deputat Vitali Milonovun yeni qanun layihəsi sosial şəbəkələrin hüquqi tənzimlənməsini nəzərdə tutur. Qanuna əsasən sosial şəbəkədə qeydiyyatdan keçən şəxs pasport məlumatlarını daxil etməli olacaq.

Qanun layihəsinin qeydində deyilir: "Qeydiyyat zamanı sahibkar fiziki şəxsdən şəxsiyyətini təsdiq edən sənədi elektron formada tələb etməlidir. Eyni zamanda bu sənəd ad, soyad və ata adını, fiziki şəxsin yaşını müəyyən etməyə kömək etməlidir".

Bildirilir ki, qeyd edilənlərdən əlavə digər şəxsi məlumatları vətəndaş könüllü təqdim etməlidir. Bundan başqa, layihəyə əsasən, qeydiyyat əsl ad və soyadla mümkündür. Ləqəb ilə qeydiyyatdan keçməyə icazə verilməməlidir. Eyni şəbəkədə bir neçə profil açmağa icazə verilməməlidir. Qanun layihəsinə əsasən, sosial şəbəkə istifadəçisi olmaq üçün 14 yaşı tamamlamaq lazımdır.

Təşəbbüsün müəllifləri təklif edirlər ki, iş vaxtı sosial şəbəkədən istifadəyə məhdudiyyət və ya qadağa tətbiq edilsin.

Hikmət
Ölkə.Az