Çin kosmosa rabitə peyki göndərdi
Çin hökuməti təbii fəlakətləri izləmək və internetin gücünü artırmaq üçün kosmosa rabitə peyki göndərib.
"Ölkə.Az" xəbər verir ki, "Şicien-13" adlı ilk yüksək əməliyyat tutumlu peyk Siçang Kosmik Mərkəzindən göndərilib.
4.6 ton çəkisi olan peyk Çinin "Aerospace Science and Technology Corp" tərəfindən istehsal edilib. təbii fəlakətləri izləmək, təyyarə və qatarlarda internet əlaqəsi üçün istifadə ediləcək peyk orbitdə 15 il qalacaq.
"China Satcom" tərəfindən verilən açıqlamada deyilir ki, peyk kənd ərazilərində də rabitəni gücləndirəcək.
36 km hündürlüyə "Long March-3B" daşıyıcı raketi ilə göndərilən "Şıcıen-13" peyki saniyədə 20 qeqabayt məlumat ötürə bilir.
Hikmət
Ölkə.Az
