Venesuelada hökumətə qarşı iğtişaşlar

"Ölkə.Az" xəbər verir ki, baş verən iğtişaşlarda dörd nəfər həlak olub.

Venesuelanın qərbindəki Baruisimeto şəhərində dünən baş verən etiraz nümayişlərində 14 yaşlı Brayan Prinsipal adlı bir uşaqla 36 yaşlı bir kişi öldürülüb.

Karrizal şəhərində baş etiraz aksiyalarında 19 yaşlı Xairo Ortiz həlak olub. Aprel 11-i isə 20 yaşlı Daniel Quliz vəfat etmişdi.

Baş verən iğtişaşlarda onlarla şəhər sakini yaralanıb, 100 nəfər də saxlanılıb.

Venesuela Ali Məhkəməsi 31 mart tarixində qəbul etdiyi qərarla Konqresin bütün səlahiyyətlərini əlində cəmləyib. Bundan sonra müxalifət qərarı tənqid edib ölkənin diktatura rejiminə sürükləndiyini bildirmişdi. Venesuela xalqı isə etiraz olaraq küçələrə axışıb. Sərt reaksiyalardan sonra məhkəmə qərarını ləğv edib. Venesuela xalqı isə növbədənkənar seçkilər tələb edir və etiraz aksiyalarını davam etdirir.

Hikmət
Ölkə.Az