Ümumdünya Səhiyyə Təşkilatı: "İki milyard insan nəcisli su içir

"Ölkə.Az" xəbər verir ki, bu barədə təşkilatın rəsmi internet səhifəsində məlumat yerləşdirilib.

Çirkli sudan istifadə etmək hər il 500 min insanın ishaldan ölümünə səbəb olur. Eyni zamanda xolera, poliomielit, tif, vəba, dizenteriya, traxoma xəstəlik riski artır, parazit və qurdlara yoluxma ehtimalı güclənir.

2015-ci ildə BMT Baş Assambleyası su mənbələrinin təmizlənməsi barədə qətnamə qəbul edib. Amma son məlumatlara əsasən, təcrübədə bir çox ölkə bu məqsədə çatmaq üçün addım atmır.

Orta hesabla hər il sanitariya və gigiyena, suların təmizlənməsi üçün ayrılan büdcə artır. Amma ölkələrin 80 %-i bu məsələdə kifayət qədər maliyyə cəlb edə bilmir.

Ekspertlər qeyd edir ki, bu tip məsələlərin maliyyələşməsi həm insanların sağlamlığına müsbət təsir göstərir, həm də yeni iş yerlərinin açılmasına səbəb olur.

Hikmət
Ölkə.Az