Koalisiya Suriya mətbuatını yalançı adlandırdı

"Ölkə.Az" xəbər verir ki, Dorrianın bəyanatına əsasən Suriya mətbuatının iddiası başdan-ayağa yalandır.

Dorrian şəxsi Tvitter səhifəsində yazıb: "Biz "SANA" agentliyinin xəbərini gördük. Guya koalisiya Deyr-Əz-Zor yaxınlığına avia zərbələr endirib. Bu həqiqət deyil. Bu qəsdən yayılan dezinformasiyadır. Suriyada heç bir kimyəvi silah anbarına zərbə endirilməyib".

Qeyd edək ki, Suriya ordu baş qərargahından bildirilib ki, beynəlxalq koalisiya qüvvələri İŞİD terrorçularının kimyəvi silah anbarına avia zərbələr endirib. Nəticədə yüzlərlə terrorçu və dinc sakin həlak olub. 

Rusiya müdafiə nazirliyi isə insanların ölümü ilə bağlı informasiyaya malik olmadığını bəyan etmişdi. Monitorinq üçün Rusiya tərəfi əraziyə PUA-lar göndərib.

BMT-nin insan haqları üzrə şurasının mətbuat katibi Rolando Qomez də bildirib ki, müstəqil komissiya bu insidenti araşdırır.

Hikmət
Ölkə.Az