Rumıniyanın yeni prezidenti bu şəxsdir

Klaus Yohannis Rumıniyanın növbəti prezidentidir.

Ölkə.Az rusiya mətbuatına istinadən xəbər verir ki, Rumıniyada keçirilən seçki nəticəsində yeni prezidentin adı məlum olub. Ölkədə keçirilən prezident seçkisində Sibiu şəhərində mer vəzifəsini icra edən Klaus Yohannis qalib gəlib

Klaus Yohannisin rəqibi isə ölkənin baş naziri Viktor Ponta olub. O, məğlubiyyətdən sonra Yohannisə zəng vuraraq təbrik etdiyini söyləyib.

"Seçkilərin nəticələri elan olunduqdan sonra mən dərhal cənab Yohannisə zəng vuraraq təbriklərimi çatdırdı",- deyə, Ponta qeyd edib.

Xatırladaq ki, Rumıniyanın indiki prezidenti Trayan Besesku 2004-cü ilin dekabrından ölkəyə rəhbərlik edir. Rumıniyada dövlət başçısı postu uğrunda 14 namizəd mübarizə aparırdı və bülletenlərin hamısı hesablandıqdan sonra Viktor Pontanın səslərin 40,3 faizini, onun rəqibi Klaus Yohannisin isə 30,4 faizini qazandığı bəlli olub.

Rəşid Mustafazadə

Ölkə.Az