Peterburqda dəhşətli partlayış
Rusiyanın Sankt-Peterburq şəhərinin Vasilevsk adasındakı Çernışevski adına kitabxananın yaxınlığında partlayış olub.
“Ölkə.Az” xəbər verir ki, kitabxananın yaxınlığında 14-15 yaşlı yeniyetmənin əlində naməlum bağlama partlayıb. Şahidlər bildirib ki, gənc kitabxananın yanında yerdən nəsə qaldırıb. Bundan sonra partlayış baş verib.
Partlayış nəticəsində yeniyetmənin əli parçalanıb. Ağır vəziyyətdə olan yeniyetmə təcili xəstəxanaya çatdırılıb. O, Müqəddəs Məryəm Maqdalina 2 saylı Uşaq Xəstəxanasına çatdırılıb.
Hadisə yerinə polis cəlb edilib. Araşdırmalara başlanılıb.
Ziya Səccad
Ölkə.Az
