İŞİD-in növbəti qurbanı kimdir?

"İŞİD amerikalı qadını edam etmək istəyir"

Ölkə.Az ABŞ mətbuatına istinadən xəbər verir ki, İŞİD döyüşçülərinin amerikan humanitar missiyası əməkdaşı Pitter Kessiqi edam etməsindən 1 sutka sonra 6-cı qurbanın kim olacağı məlum olub.

ABŞ-ın The Daily Beast xəbər saytı bazar ertəsi günü xəbər verir ki, İŞİD-in növbəti qurbanı ABŞ-ın 26 yaşlı qadın vətəndaşıdır. Məlumatda qeyd olunur ki, sözügedən xanım Suriyada gedən vətəndaş müharibəsindən sonra valideynlərdən məhrum olan uşaqlara yardım etməklə məşğul olub. Mənbədən bildirilib ki, 26 yaşlı xanım 2013-cü ilin avqust ayından etibarən humanitar missiyanın digər üzvləri ilə birlikdə islamçılara əsir düşüb. ABŞ hökuməti və qadının yaxınları onun şəxsiyyətini müəyyə edən hər hansı məlumatın yayılmamasını təkid edirlər. Onların fikrincə, məlumatın sızması əsir düşən xanımın həyatı üçün təhlükəli ola bilər.

Xatırladaq ki, bir neçə gün əvvəl İŞİD terrorçuları bazar günü amerikalı Piter Kessiqin qətli əks olunan video paylaşmışdılar. 26 yaşlı humanitar işçi olan Kessiq Suriyada 1 il əvvəl döyüşçülər tərəfindən əsir alınmışdı. Kessiqin sözlərinə görə, əsir düşəndən sonra Piter Kessiq islamı qəbul etmiş və Əbdül-Rəhman adını götürmüşdü.

Rəşid Mustafazadə

Ölkə.Az