\"Boeing\" yeni təyyarəsini sınaqdan keçirdi
ABŞ-ın təyyarə istehsalı ilə məşğul olan "Boeing" şirkəti yeni təyyarəsini sınaqdan keçirib.
"Ölkə.Az" xəbər verir ki, dünyanın ən iri aviasiya, kosmik və hərbi texnika istehsalçılarından sayılan şirkəttin yeni təyyarəsi "737 MAX 9" adlanır.
Laynerdə əvvəlki "MAX 8" modelinə nisbətən 16 sərnişin yeri çoxdur. Bununla yanaşı "MAX 9" daha qənaətcil təyyarə sayılır.
Təyyarə 178 sərnişin üçün nəzərdə tutulub. Birdəfəyə 6.5 min km məsafə qət edə bilir. "MAX 9"-un kreyser sürəti 842 km/saatdır.
Yeni təyyarə 2018-ci ildə istifadəyə veriləcək. Artıq dünyanın 90 avia şirkəti sifarişlərini verib. "Boeing" 3.7 min təyyarəlik sifariş alıb.
Hikmət
Ölkə.Az
