Sergey Lavrov: \"ABŞ-la razılaşdıq, hücum təkrarlanmayacaq\"
"Ölkə.Az" xəbər verir ki, Lavrov ABŞ-ın Suriyaya endirdiyi raket zərbəsinin təkrarlanmayacağı barədə razılıq əldə edildiyini bildirib.
Lavrov Suriyanın xarici işlər naziri Vəlid əl Muallimi Moskvada qəbul edib və görüş əsnasında bu razılıq barədə məlumat verib.
Amma ABŞ xarici işlər nazirinin mətbuat katibi Mark Toner Vaşinqtonda çıxış edərkən Tillersonun gələcəkdə də belə hücumların olma ehtimalını inkar etmədiyini bildirib.
Toner məsələ ilə bağlı yazılı açıqlama verib: "Nazir raket hücumundan sonra başqa hədəflərə hücum edilmədiyini söylədi. Amma gələcəkdə belə bir hücumun olması ehtimalını da inkar etmədi. Tillerson Rusiyanın Əsəd rejimi üzərindəki təsirindən istifadə edərək ABŞ-ın bir də belə davranmaya məcbur edilməməsi üçün səy göstərəcəyinə inandığını qeyd edib".
Hikmət
Ölkə.Az
