\"Lukoyl\" şirkətinə məxsus neft yatağında yanğın
Rusiyanın "Lukoyl" şirkətinə məxsus neft yatağında yanğın baş verib.
“Ölkə.Az” xəbər verir ki, Rusiyanın Komi Respublikasındakı neft yatağında 600 kvadrat metr sahədə neft quyusu yanır.
Hadisə yerinə 185 yanğınsöndürən şəxs və 84 texnika cəlb edilib. Ətraf ərazilər mühasirəyə alınıb. Yollar və keçidlər bağlanıb. Yaxınlıqdakı insanlar təxliyyə olunub.
İlkin ehtimala görə, hadisə ərazidə aparılan təmir işləri zamanı baş verib. Hadisədən sonra "Lukoyl" şirkətinin əməkdaşlarından ibarət operativ qrup yaradılıb. Yaxınlıqdakı neft tankerlərinə alovun yaxınlaşmaması üçün təhlükəsizlik tədbirləri görülüb.
Hadisə zamanı ölən olmadığı deyilir.
Faktla bağlı araşdırma aparılır.
Ziya Səccad
Ölkə.Az
