ABŞ-ın İŞİD-ə atdığı “superbomba” hədəfə dəyməyib
“Ölkə.Az” xəbər verir ki, Amerika qırıcılarının Əfqanıstanda Açin rayonunda İŞİD terro təşkilatının mövqeylərinə endirdikləri ən güclü bombalar hədəfə dəyməyib. Bu barədə İŞİd terror təşkilatı tərəfindən açıqlama verilib.
Açıqlamada bildirilib ki, çəkisinin 9,5 ton olduğu deyilən “GBU-43” bombası terrorçuların gizləndiyi ərazidən yan keçib. Bu səbəbdən də, terrorçular arasında nə ölən, nə də yaralanan olub. Endirilən zərbə onlaırn heç texnikalarına da zərər vurmayıb.
Bu hadisə isə Rusiya mətbuatının məsxərəsinə səbəb olub. Bununla bağlı Rusiya mətbuatında krikatura çəkilib.
Qeyd edək ki, aprelin 13-də ABŞ Əfqanıstanda Açin rayonunda İŞİD terro təşkilatının mövqeylərinə ağır zərbələr endirib. Pentaqonun mətbuat xidmətindən bildirilib ki, ən güclü bomba İŞİD-in Əfqanıstandakı mövqelərinə atılıb.
“Zərbə Nanqarxar əyalətinin Açin rayonuna endirilib. “GBU-43” bombasının hədəfi İŞİD silahlıları, onlara məxsus tunel sistemləri olub”, - deyə məlumatda bildirilib.
Pentaqon, bunun ABŞ-ın indiyədək istifadə etdiyi ən güclü qeyri-nüvə bomba olduğunu təsdiqləyib. Bildirilib ki, çəkisinin 9,5 ton olduğu iddia edilən bomba “MS-130” təyyarəsindən atılıb. Bombaların düşdüyü ərazilər tamamilə dağılıb.
Qeyd edək ki, sonuncu dəfə ABŞ belə bombalardan 2003-cü ildə istifadə edib. Amerika ordusunda hələ belə ağır tonnajlı bombalardan 15 ədəd olduğu bildirilir.
Xatırladaq ki, Amerika ordusu Əfqanıstanda 2001-ci ildən döyüşür. Müharibə “Taliban” və İŞİD” terror təşkilatlarına qarşı aparılır. 2015-ci ildən isə NATO qüvvələri mübarizəyə qatılıb. Tramp sonuncu bəyanatında bildirmişdi ki, bu il Əfqanıstan terrorçulardan tamamilə təmizlənəcək.
Ziya Səccad
Ölkə.Az
