Şimali Koreya yenidən ballistik raketləri sınaqdan keçirəcək

“Ölkə.Az” xəbər verir ki, Şimali Koreya hökuməti ballistik raketlərin təkrar sınaqdan keçiriləcəyini bildirib. Vurğulanıb ki, əgər ABŞ və Cənubi Koreya buna mane olacaqlarsa, onların hərbi qüvvələri sərt şəkildə cəzalandırılacaq.

"Şimali Koreya Silahlı Qüvvələri KXDR-nin ləyaqət və suverenliyinə əl uzadanlara qarşı həmişə olduğu kimi mərdcəsinə mübrizə aparacaq. ABŞ-ın təxribat xarakterli planlarını amansızcasına pozacaq. ABŞ və onun vassallarına qarşı müqavimətimiz çox güclüdür. Heç bir dövlət bizim nə edəcəyimiz barədə qərar verə bilməz", - deyə bildirilib.

Qeyd edək ki, Rusiyanın Şimali Koreyadakı səfiri Aleksandr Matseqora yaxın zamanlarda Pxenyan tərəfindən ballistik raketlərin buraxılacağını və ya nüvə sınaqlarının keçiriləcəyini istisna etməyib. Səfirin sözlərinə görə, aprelin 15-də qeyd olunacaq Şimali Koreyanın keçmiş rəhbəri Kim İr Senin 105 illiyi ərəfəsində ölkədə “əlamətdar hadisələrin” baş verəcəyi barədə məlumatlar mətbuatda yer alır.

Ziya Səccad
Ölkə.Az