ABŞ ilk dəfə olaraq termonüvə bombasını sınaqdan keçirib

Aprelin 14-də ABŞ ilk dəfə olaraq termonüvə bombasını sınaqdan keçirib.

“Ölkə.Az” xəbər verir ki, ABŞ Hərbi-Hava Qüvvələri “B61-12” tipli termonüvə bombasını F-16” qırıcı təyyarəsi ilə sınaqdan keçirib. Partladıcısız termonüvə bomba “F-16C” qırıcı təyyarəsindən Nevada ştatındakı poliqona atılıb.

Sınaqların məqsədi təyyarənin döyüş sursatını daşıma qabiliyyətini nümayiş etdirmək və mərminin qeyri-nüvə komponentlərinin işləməsini yoxlamaqdır. Bomba ilk dəfə olaraq “F-16C” qırıcı təyyarəsi ilə sınaqdan keçirilib.

Gələcəkdə onu “B-2A”, “B-21”, “F-15E”, “F-16C/D”, “F-16 MLU”, “F-35” və “PA-200” tipli təyyarələrlə də sınaqdan keçirmək nəzərdə tutulub. İdarəolunan və yüksək dəqiqliyə malik yeni “B61-12” tipli bomba ilk dəfə 2015-ci ildə sınaqdan keçirilib. Onun əsas funksiyası mərmiləri yüksəklikdən dəqiq nöqtəyə yönlətməkdir.

Qeyd edək ki, sınaqdan uğurla keçirilən “B61-12” tipli termonüvə bombası 2020-ci ildən kütləvi şəkildə istehsal olunacaq. Avropa ölkələrinin əksəriyyətinin hərbi bazası həmin bombalarla zənginləşdiriləcək.

Ziya Səccad
Ölkə.Az