Bəşər Əsədin sözçüsü: “Rusiya Suriyaya zəmanət verib”
“Ölkə.Az” xəbər verir ki, bu barədə Suriyanın diktator prezidenti Bəşər Əsədin informasiya və siyasi məsələlər üzrə köməkçisi Buseyn Şaaban bildirib. Onun sözlərinə görə, bu barədə Rusiya Suriya hökumətinə zəmanət verib.
“Rusiyanın xarici işlər naziri cənab Sergey Lavrov bizi əmin edib ki, bir daha belə hadisə baş verməyəcək. Biz müttəfiqlərimizə inanırıq. Onlarla birgə terrorçulara qarşı mübarizə aparırıq. Çalışırıq ki, ölkəmizdə sülh yaradaq”, - deyə B.Şaaban bildirib.
Diktator rejiminin sözçüsü jurnalistlərin bir daha ABŞ Suriyanı bombalarsa nə edəcksiz sualına özünəməxsus cavab verib:
“İnanmırıq ki, bir daha belə hadis əbaş versin. Əgər bir daha belə hal olarsa, bizim də hərbçilər eyni üsul ilə cavab vermək qabiliyyətindədirlər”.
Qeyd edək ki, aprelin 13-də Suriyanı diktaror rejimində idarə edən prezident Bəşər Əsəd Frans Press Agentliyinə müsahibə vermişdi. Əsəd müsahibəsində ABŞ hökumətindən yenə də hücum gözlədiklərini demişdi.
Xatırladaq ki, aprelin 7-ə gecə ABŞ-ın Aralıq dənizindəki hərbi gəmilərindən Əsəd ordusuna aid Şayrat aviabazasına 59 raket buraxılıb. Nəticədə aviabazanın uçuş-enmə zolağı, təyyarələrin dayanacağı və yanacaqdoldurma kompleksləri vurulub.
Aprelin 4-də Bəşər Əsəd rejiminə aid hərbi təyyarələrin İdlib şəhərinə zərbələr endirməsindən sonra kimyəvi zəhərlənmə nəticəsində çoxlu sayda insan ölüb və yaralanıb.
Ziya Səccad
Ölkə.Az
