Putin həlledici savaşa girir

"Donetskdə separatçılar Minsk protokolu ilə razılaşdırılmış yerlərdən 20-30 kilometr irəliləyiblər, bəzi yerlərdə irəliləmə 70 kilometrdir. Bundan başqa, rusiyameyilli separatçılar ən azı 6 strateji obyekti tutmağı planlaşdırır".

Bu sözləri Kiyevdə keçirilən brifinqdə Ukrayna Xarici Kəşfiyyat Xidmətinin keçmiş sədri, ordu generalı Nikolay Malomuj bildirib.

General bildirib ki, Ukrayna hökumətində Rusiyanın yeni planları ilə bağlı məlumatlar var.

"Biz Rusiyanın və separatçıların planları haqqında bilirik .Onlar yeni strateji obyektləri tutmaq istəyirlər. Bu Donetsk aeroportu, Peski, Avdeyevka, Şastiya, Debalçevo, Mariupol yaşayış məntəqələridir. Onlar Rusiya hərbi texnikasının nişangahı altındadır. Bütün Rusiyanın hərbi texnikası, xüsusi təyinatlıları adıçəkilən istiqamətlərdə toplanır", - deyə Malomuj bildirib.

Qeyd edək ki, ordu generalının sadaladığı məntəqələr Ukraynanın şərqində əsas strateji məkanlardan biridir. Separatçılar uzun müddətdir ki, bu məntəqələri ələ keçirməyə çalışırlar. (anspress)

Ölkə.Az