“İki ölkə rəhbərliyi də çalışır ki, mövcud böhran toqquşmaya səbəb olmasın”
Bu barədə politoloq Elxan Şahinoğlu “Ölkə.Az”-a açıqlamasında bildirib. Onun sözlərinə görə, Tramp və Putin ölkələrin yaxşı münasibətdə olmasının tərəfindədirlər.
“Tramp açıqlamalar verdi ki, Rusiya ilə yaxşı münasibətlrə qura bilərik. Rusiya hakimiyyətinə də bu lazımdır. Fikir versək görərik ki. Putinin siyasətində də yumşalma var. Rusiya yaxşı başa düşür ki, Amerika ilə qarşı-qarşıya gəlmək heç kimin maraqlarına xidmət etmir. Problemlər və fikir ayrılığı qalsa belə hər iki tərəf münasibətlərin yaxşılaşması istiqamətində dialoqlara başlayıblar. Bu da hər iki dövlət üçün çox önəmlidir. Ona görə də, sonrakı mərhələdə iki dövltə arasında gərginliyin artacağını gözləmirəm. Hər iki tərəf mövcud problemlərin idarə edilməsilə məşğuldur. İki ölkə rəhbərliyi də çalışır ki, mövcud böhran toqquşmaya səbəb olmasın”, - deyə Elxan Şahinoğlu bildirib.
Ziya Səccad
Ölkə.Az