Şimali koreyalı diplomatdan xəbərdarlıq

"Ölkə.Az" xəbər verir ki, Kim İn Ryön ABŞ və Cənubi Koreyanı hərbi təlimlər keçirməkdə ittiham edib. Diplomat hər iki dövləti keçirdikləri təlimlərin regiondakı sülhə mane olduğu barədə xəbərdar edib.

Onun sözlərinə görə, ABŞ-ın hərəkətləri Koreya yarımadasında vəziyyəti qəlizləşdirir. Regionda istənilən an nüvə müharibəsi başlaya bilər.
Kim İn Ryön deyib: "ABŞ dünyanın ən qaynar nöqtəsi olan Koreya yarımadasına böyük, strateji nüvə arsenalı yerləşdirir. Bununla da müharibə astanasında dayanan yarımadada sülh və təhlükəsizliyi təhlükə altına alır. Bu, təhlükəli vəziyyətə səbəb olub. İstənilən an nüvə müharibəsi başlaya bilər".

Diplomat eyd edib ki, Şimali Koreya ABŞ-ın aqressiv siyasəti qarşısında təmkinli davranır və soyuqqanlılığını qoruyur. Kim İn bildirib ki, Pxenyan ABŞ-ı faciəvi nəticələrə görə məsuliyyətə cəlb etmək istəyir və müdafiə məqsədi ilə nüvə silahı istehsalını davam etmək istəyir. 

Diplomat xatırladıb ki, rəsmi Pxenyan BMT Təhlükəsizlik Şurasının nüvə silahı hazırlanması və onun vasitələrinin çatdırılmasını qadağan edən qətnaməsini tanımır.

Hikmət
Ölkə.Az