İŞİD-in baş snayperi öldürüldü

“Ölkə.Az” xəbər verir ki, bu barədə “RİA Novosti” Agentliyi "Əl-Məyadin" telekanalı istinadən məlumat yayıb. Bildirilir ki, əməliyyat zamanı öldürülən terrorçu peşəkar snayperçi olub. Öldürülən terrorçu rus əsilli olub. Onun terror aktları törətmək üçün döyüşçülər hazırladığı qeyd olunub.

Bundan əvvəl İraq hərbçiləri İŞİD-in Əbu Hədcir ər-Rusi ləqəbli əsas snayperlərindən birini zərərsizləşdirdiklərini bildirmişdilər. Onlar snayperin hansı ölkənin vətəndaşı olduğunu açıqlamamışdılar. Hər iki terrorçu hökumət qüvvələrinin Mosulun qərb yaşayış məntəqəsinin azad edilməsi əməliyyatı zamanı məhv edilib.    

Xatırladaq ki, 2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb. 

Ziya Səccad
Ölkə.Az