Qazaxıstandan rus arağına qadağa

Səbəb məhsulların qida təhlükəsizliyinin tələblərinə müvafiq olmamasıdır.

Ölkə.Az oxu.az-a istinadən bildirir ki, bu barədə Qazaxıstanın Milli İqtisadiyyat Nazirliyinin istehlakçı hüquqları üzrə komitəsi bildirib.

Respublikanın ərazisinə “Talka”, “İmperiya”, “Dikiy qus”, “Zelenaya marka “Rjanaya”, “Russkiy qarant kaçstva”, “Rublevka”, “Posolskaya” araqlarını realizə etmək qadağandır. Qadağanın səbəbi məhsulların qida təhlükəsizliyinin tələblərinə müvafiq olmamasıdır. Bundan başqa, qadağan edilmiş malların siyahısına “Jiquli” (məxməri bar), “Jiqulevskoe” və bir neçə digər marka da düşüb.

İyun ayının 1-də Qazaxıstan RF, Belarus, İtaliya, Fransa və Şotlandiyadan milli qanunvericiliyi və Gömrük İttifaqının texniki reqlamentini pozduğu üçün alkoqollu içkilərin idxalına müvəqqəti qadağa qoymuşdu. Bununla yanaşı Rusiyadan bəzi ət konservalarının gətirilməsinə də qadağa qoyulmuşdu.

Ticarət-sənaye palatasının məlumatına görə Rusiya və Qazaxıstan arasında mal dövriyyəsi 2013-cü ilin nəticələrinə görə 23,7 milyard dollardan ibarət olub, bu isə daha bir il öncə olan nəticədən 14,6 faiz artıq olub. Rusiyanın xarici ticarətinin ümumi strukturunda Qazaxıstan 11-ci yeri tutur.

Ölkə.Az