Rusiya Ermənistanla bağlı qanunu təsdiqlədi

Rusiya Hökumət Komissiyası Ermənistanın Avrasiya İqtisadi İttifaqına daxil olması ilə bağlı sazişin radifikasiyası ilə bağlı qanun layihəsini təsdiqləyib.

Ölkə.Az qafqazinfo-ya istinadən xəbər verir ki, bu barədə Nazirlər Kabinetinin saytında məlumat verilib.

Xarici İşlər Nazirliyi və İqtisadi İnkişaf Nazirliyi tərəfindən irəli sürülən qanun layihəsinə hökumətin iclasında baxılacaq. Saziş qüvvəyə minərsə bu, Ermənistanın adı çəkilən İttifaqda 2015-ci ilin yanvarın 2-dən iştirakına imkan verəcək.

Qeyd edək ki, Rusiya, Belarus və Qazaxıstan mayda Avrasiya İqtisadi İttifaqının gələn ilin yanvarın 1-dən yaradılması ilə bağlı saziş bağlayıblar. Oktyabrın 10-da isə Minskdə imzalanan sazişlə Ermənistanın bu ittifaqa qoşulması ilə bağlı razılıq əldə edilib.

Ölkə.Az