İsrail baş nazirindən dəhşətli əmr

İsrail baş naziri Binyamin Netanyahu sinaqoqa hücum təşkil edən zaman polis tərəfindən öldürülən iki fələstinlinin evlərinin dağıdılması əmrini verib.

İsrail baş naziri sinaqoqa hücumdan sonra Təhlükəsizlik Şurasının iclasını çağırıb. İclasda müdafiə naziri Moşe Yaalon, təhlükəsizlik naziri Yitzhak Aharonovitch, daxili kəşfiyyat xidmətinin rəhbəri Yoram Cohen, Qüds bələdiyyə başçısı Nir Barkat, baş prokuror Shai Nitzan, Qüds şəhərinin polis rəisi Moşe Edri, orduda hökumətlə əlaqələrdən məsul general Yoav Mordechai iştirak edib. 

Son hücumlarda iştirak edən "terrorçular"ın evlərinin dağıdılması əmrini verən Netanyahu terror hücumları edənlərə veriləcək cəzaları artırmaq qərarına gəldiyini bildirib. Bu qərarların İsrail daxilində təhlükəsizliyi artırmaq üzrə tətbiq olunacaq tədbirlərə əlavə olaraq qəbul olunduğunu deyib.

Qüdsdə səhər saatlarında bir sinaqoqa təşkil edilən hücumda 4 israilli öldürülmüş, 7 nəfər isə yaralanmışdı. İsrail polisi sinaqoqa əllərində bıçaq və baltalarla gələn 2 fələstinlini yerindəcə güllələyib. (anspress)

Ölkə.Az