Şimali Koreya ABŞ-ı ittiham etdi
Şimali Koreya son günlər Koreya yarımadasında baş verənlərə görə ABŞ-ı günahlandırıb.
"Ölkə.Az" xəbər verir ki, Pxeyanın fikrinə görə, ABŞ Koreya yarımadasını nüvə müharibəsinə sürükləyir. ABŞ-ın Cənubi Koreyadakı bombardmançı təyyarələrinin manevri belə deməyə əsas verir. Koreyanın mərkəzi teleqraf agentliyi də vəziyyəti belə izah edib.
Agentliyin məlumatında deyilir: "Təhlükəli hərbi təxribatlar Koreya yarımadasını nüvə müharibəsinə daha da yaxınlaşdırır. ABŞ hərbçiləri Şimali Koreyanın vacib obyektlərinə bomba yağdırmaq barədə təlim keçiblər. ABŞ prezidenti Donald Tramp və müharibəni qızışdıran digər siyasətçilər cavab zərbəsi endirməyə çağırırlar".
Qeyd edək ki, Cənubi Koreya yarımadasında "B-1B Lancer" strateji bombardmançı təyyarələri hərbi təlim keçiblər.
Hikmət
Ölkə.Az
