Ərdoğanın Rusiya səfəri başladı
"Ölkə.Az" xəbər verir ki, Ərdoğan Rusiya prezidenti Vladimir Putinlə görüşmək üçün Soçiyə səfər edib.
Soçi beynəlxalq limanında Ərdoğanı Krasnodar vilayətinin qubernatoru Veniamin Kondratyev, Rusiya xarici işlər nazirliyinin Soçi nümayəndəliyinin sədri Anatoli Şostak, Soçi bələdiyyəsinin sədri Anatoli Pahomov və digər rəsmilər qarşılayıb.
Ərdoğanla birlikdə Soçiyə baş nazirin müavini Mehmet Şimşek, xarici işlər naziri Mevlud Çavuşoğlu, enerji və təbii sərvətlər naziri Berat Albayrak, iqtisadiyyat naziri Nihat Zeybekci, milli müdafiə naziri Fikri İşık və ordu baş qərargah rəisi, ordu generalı Hulusi Akar da səfər edib.
Türkiyə prezidenti Putinlə təkbətək görüş keçirəcək və heyətlər arası görüşdə iştirak edəcək. Sonra isə hər iki prezident mətbuat konfransında jurnalistlərin suallarını cavablandıracaqlar.
Hikmət
Ölkə.Az
