Ərdoğan Putinlə görüşdən sonra açıqlama verdi: “Bizim bir düşmənimiz var”
"Ölkə.Az" xəbər verir ki, iki prezidentin təkbətək görüşü 3 saatdan çox davam edib. Əvvəlcədən də xəbər verildiyi kimi Putinlə Ərdoğan iki ölkənin münasibətləri, terrorla mübarizə və Suriyadakı vəziyyət barədə müzakirələr aparıblar.
Görüş zamanı Ərdoğan bildirib ki, Türkiyə sərhədlərinin təhlükəsizliyini təmin emtək üçün bütün vasitələrdən istifadə edəcək. Onun sözlərinə görə, Türkiyə sərhədlərinin yaıxnlığında fəaliyyət göstərən silahlı qruplaşmaları tamam məhv edəcək.
Türkiyə rəhbəri görüşdən sonra keçirilən mətbuat konfransında jurnalistlərə açıqlamalar verib və onların suallarını cavablandırıb. Ərdoğan çıxışı zamanı bunları deyib:
“Türkiyə imkan verməyəcək ki, sərhədlərimizə yaxın ərazilərdə terrorçular olsun. Kürd və digər radikal siulahlı qruplaşmaları tam məhv edəcəyik. İmkan verməyəcəyik ki, sərhəbdlərimizin cənubunda düşmən mövqeylrəini gücləndirsin”.
Ərdoğan əlavə edib ki, Türkiyə vətəndaşlarının təhlükəsizliyini təmin etmək üçün istənilən addımı ata bilər. Bundan başqa, Türkiyə rəhbəri Putinlə iqtisadi mövzuda da danışıqlar apardığını bildirib.
“Bizim iqtisadi komandalarımız tez-tez Ankarada və Moskvada görüşlər keçirirlər. Onlar ticarət və iqtisadi əlaqələrin inkişafı yolunda yaranmış maneələrin aradan qaldırılması üçün birgə çalışırlar. İnanıram ki, bir müddət sonra bu iş birliyinin nəticələri hər iki ölkə üçün xeyirli olacaq”, - deyə Ərdoğan vurğulayıb.
Türkiyə rəhbəri çıxışında terrorla birgə mübarizəyə də toxunub:
“Düşünürəm ki, Moskvada, Stanbulda, Parisdə və digər şəhərlərdə baş verən terror arasında heç bir fərq yoxdur. Terrorun təşkilatçıları üçün dövlət, hökümət fərqi yoxdur. Onlar insanlığın düşmənidirlər. Bir belə qüvvələri məhv etmək üçün birgə çalışmalıyıq. Bir-birimizə dəstək olmalıyıq”.
Qeyd edək ki, Soçu səfərindən əvvəl Ankarada çıxış edən Ərdoğan danışıqların məhsulda olacağına əmin olduğunu deyib:
“Düşünürəm ki, Suriya və İraq münaqişəsinin həlli üçün yeni era başlayacaq. Soçi danışıqlarında Putin və Trampla görüşdən uğurlu nəticələr gözləyirəm. Düşünürəm ki, Türkiyə ordusu Suriya əməliyyatlarında uğurlu nəticələr əldə edib. Rakka və digər ərazilərdə apardığımız əməliyyatlar zamanı İŞİD terrorçuları təmizlənib. Əgər qarşıda bizi gözləyən görüşlərdə danışıqlar uğurla nəticələnsə və qarşılıqlı razılıq əldə olunsa, Suriya və İraq münaqişəsinn həlli üçün yeni era başlayacaq. Biz bu yeni prosesdə mühüm addımlar atmağa qərar verəcəyik”.
Ziya Səccad
Ölkə.Az
