Tramp: “Fələstin bizimlə birgə işləyəcək”

"Ölkə.Az" xəbər verir ki, görüşdən sonra Trmap jurnalistlər üçün mətbuat konfransı keçirib. Konfransda çıxış edən Tramp danışıqlar barədə açıqlamalar verib. Tramp açıqlamasında bildirib ki, İsraillə Fələstin arasında sülh razılaşması üzrə danışıqlar başlayıb.

 “Biz baş nazir Benyamin Netanyahu başda olmaqla bir sıra nüfuzlu İsrail nümayəndələri, həmçinin Fələstin liderləri ilə danışıqlar aparmışıq. Biz sülhə gətirəcək prosesə start veririk. Ümid edirəm ki, bu proses uğurla nəticələnəcək”, deyə D.Tramp bildirib.

Tramp danışıq və problemin həll prosesi barədə ətraflı məlumat verməyib:
“Bu barədə danışmaq hələ tezdir. Arada konkret razılaşmalar olandan sonra ətraflı danışmaq olar”.

Tramp həmçinin görüş zamanı iqtisadi və siyasi əlaqələrə də toxunub:

“Mahmud Abbas ilə dünyada sülhün bərqərar edilməsi istiqamətində birgə əməkdaşlıq barədə danışıqlar apardıq. Mən Abbasa bildirdim ki, idarə etdiyim administrasiya bu istiqamətdə lazımı iqtisadi köməkliyi etməyə hazırdır. Bu istiqamətdə Fələstinə də iqtisadi yardımlar ediləcək”.

Tramp Abbasla danışıqlar zamanı terrorla mübarizə istiqamətində görülən işləri müzakirə edib:

“Hazırda bütün dünya terrordan əziyyət çəkir. Bu istiqamətdə hər bir dövlət rəhbəri lazımı addımı atmalıdır. Artıq terrorla mübarizədə Fələstin də bizimlə birgə işləyəcək. Bizə terrorla mübarizədə xüsusi tərəfdaş lazımdır ki, bütün istiqamətlərdə əməkdaşlıq edə bilək”.

Ziya Səccad
Ölkə.Az