Misir ordusu 18 terrorçunu məhv edib
Misirdə terrorçulara qarşı genişmiqyaslı əməliyyat keçirilib.
"Ölkə.Az" xəbər verir ki, Misirin silahlı qüvvələri Sinay yarımadasının mərkəzi hissəsində gizli terrorçu dəstəyə hücum edib. Səhra ordu komandiri, general-mayor Məhəmməd Raafatın verdiyi məlumata görə, əməliyyat zamanı 18 silahlı məhv edilib.
Məhəmməd Raafatın sözlərinə görə, çətin gedilə bilən El-Halyal dağ massivində keçirilmiş reyd zamanı ekstremistləri dəstəkləməkdə şübhəli bilinən 32 nəfər saxlanılıb. Əməliyyaz zamanı çoxlu silah, sursat, partlayıcı maddələr və narkotik götürülüb. Bundan başqa, bombalanmış avtomobillər və 29 minalanmış motosikl götürülüb.
Qeyd edək ki, El-Halyal dağları əvvəllər silahlılar tərəfindən Şimali Sinaya hücum üçün hücum və sığınacaq məqsədilə istifadə edilib.
Ziya Səccad
Ölkə.Az
