Abdullah Güldən şok açıqlama

"Ölkə.Az" xəbər verir ki, Abdullah Gül prezidentliyə namizədliyi ilə bağlı iddialara cavab verib. Gül deyib: "Mən ciddi qəbul etmədim, amma ciddi qəbul edənlər olub. Bir siyasətçinin partiya daxili siyasətləri çərçivəsində etdiyi müxtəlif üsullara məni də daxil edib. Mən ciddi qəbul etmədim. Başqa bir məsələ də budur. Uzun bir müddətdir ki, bəzi internet səhifələri başda mən olmaqla "Ədalət və İnkişaf Partiyası"nın həm liderləri, həm də partiyanın uğurları üçün əziyyət çəkən şəxslər barədə ağzına gələni yazırlar. Bəzən söyüşə də keçirlər. Bunların da necə təşkil edildiyini bütün dünya bilir".

11-ci prezident sözlərinə davam edib: "Mən 7 il bitərəf prezident oldum. Vəzifədən ayrılanda gündəlik siyasətlə məşğul olmayacağımı dedim. Biliyimi, qazandıqlarımı paylaşmaq məsuliyyətim var. Bu şəkildə paylaşmağa davam edəcəm. Ölkə kifayət qədər qütbləşmə içindədir. Türkiyə irəli baxmalıdır. Bir sıra iqtisadi məsələlər var. Hamı bunlara yönəlməlidir. Bu çərçivədə hökumətə kömək etmək lazımdır".

Hikmət
Ölkə.Az