Türkiyədə daha bir rusiyalı turist ölüb

“Ölkə.Az” xəbər verir ki, bu barədə Rusiyanın Ankaradakı konsulu Aleksey Şivanov bildirib. Onun sözlərinə görə, hadisə Türkiyənin turizm zonalarından olan Babadağda baş verib. Antalya şəhərində yerləşən turizm mərkəzində istirahət edən Anastasiya Zaxarova paraşütlə tullanarkən həyatını itirib.

“Araşdırmalarımız zamanı məlum olub ki, Anastasiya Zaxarova paraşütdən tullanarkən idarəetməni itirib. Nəticədə o, hündürlükdən yerə zərblə çırpılıb. Hələlik onunla bağlı heç kim maraqlanmayıb. Onun qohumlarından heç kim bizimlə əlaqə saxlamayıb.Əgər Anastasiya Zaxarovanın yaxınlarından kimsə bizimlə əlaqə saxlasa, biz onun ölümünü təsdiq edən sənədləri hazırlayıb, meyiti Rusiyaya yola salacağıq. Bu çətin proses deyil”, - deyə Aleksey Şivanov bildirib.

Konsulun sözlərinə görə, bu birinci dəfə deyil ki, Türkiyədə rus turist ölüb. Belə ki. Ötən ay da 26 yaşlı rusiyalı turist paraşütdən tullanarkən ölüb. Onun ölümünə səbəb paraşütün açılmaması olub. Turist 40 metr hündürlükdən dənizə düşüb. Onu sudan çıxarıb xəstəxanaya aparsalar da, həkimlər turistin həyatını xilas edə bilməyiblər.

Ziya Səccad
Ölkə.Az