Fransanın yeni prezidentinin ilk səfəri hansı ölkəyə planlaşdırılıb?
Fransada keçirilən prezident seçkilərində Emmanuel Makron qələbə qazanıb.
"Ölkə.Az" xəbər verir ki, yeni prezident Makronun ilk xarici səfəri Berlinə planlaşdırılıb. Bu barədə "Demokratik hərəkat" partiyasının nümayəndəsi və avro-deputa Silva Qular məlumat verib.
Qular deyib: "Emmanuel Makron prezident kimi ilk səfərini Almaniyaya edəcək. Səfərdən əvvəl prezident sərhəddən kənarda xidmət aparan fransız ordusuna da baş çəkə bilər".
Qeyd edək ki, Makron seçki kampaniyası dövründə qələbə qazansa, Almaniyaya səfər edəcəyini bir neçə dəfə bəyan etmişdi. Bazar günü nəticələr məlum olduqdan sonra Emmanuel ilə Almaniyanın kansleri Angela Merkel arasında telefon danışığı baş tutub.
Hikmət
Ölkə.Az
