Trampdan Rusiyanın əleyhinə daha bir addım

“Ölkə.Az” xəbər verir ki, bu barədə bu barədə Gürcüstan hökumətinin mətbuat xidməti məlumat yayıb. Yayılan məlumatlara görə, Georgi Kvirikaşvili Vaşinqtona səfəri çərçivəsində ABŞ prezidenti Donald Tramp və vitse-prezident Mayk Pens ilə görüşüb.

 Bildirilir ki, Gürcüstan hökumətinin rəsmisi Vaşinqtona Mayk Pensin dəvəti ilə gedib. ABŞ səfərində Gürcüstan nümayəndə heyətinə həmçinin xarici işlər naziri Mixail Canelidze, onun müavini David Zalkaliani və baş nazirin müşaviri Tedo Caparidze daxildir. Görüşdə ABŞ Gürcüstan münasibətləri, iki ölkənin gələcək əlaqələri, iqtisadi tərəfdaşlıq barədə danışıqlar gedib.

“Mayk Pens ilə görüşdə strateji əməkdaşlığın əsas məsələləri və münasibətlərin gələcək perspektivləri nəzərdən keçirilib”, - deyə Gücüstan hökuməti məlumat yayıb.

Görüşdən sonra hər iki dövlətin sosial şəbəkələrdəki rəsmi hesdablarında məlumatlar yayılıb. Georgi Kvirikaşvilinin Facebook hesabında bildirilib ki, görüş çox səmərəli və uğurlu keçib. Donald Trampla görüşündən sonra Georgi Kvirikaşvili Facebook hesabında yazıb ki, rəsmi Vaşinqton strateji tərəfdaş qismində Gürcüstanı dəstəkləməkdə davam edəcək. Onun sözlərinə görə, bundan sonra iki ölkə arasında münasibətlər daha da dərinləşəcək.
 
D.Tramo da “Twitter” hesabında görüş barədə xoş sözlər yazıb:

“Bu gün Gürcüstanın baş naziri Georgi Kvirikaşvili və digər nümayəndə heyyəti Amerikaya səfər etdi. Sizi ABŞ-da görmək çox xoşdur. Ümid edirəm ki, Gürcüstanla bundan sonra sıx əməkdaşlıq edəcəyik”, - deyə Tramp bildirib.

Amerika rəhbərinin statusu birmənalı qarşılanmayıb. Dünya siyasətçiləri bu səfəri Amerikanın Rusiyaya mesajı kimi qiymətləndirənlər də olub.

Ziya Səccad
Ölkə.Az