ABŞ ordusunun ən gizli layihəsi "X-37b"-nin ilk
ABŞ hərbi hava qüvvələrinə məxsus ən gizli layihələrdən sayılan "X-37b"-nin fotoları yayılıb.
"Ölkə.Az" xəbər verir ki, PUA kosmosda 718 gün keçirdikdən sonra dünyaya qayıdıb.
"X-37b" kosmosda missiyasını başa vurduqdan sonra Floridanın Kennedi kosmik bazasına qayıdıb. Bu günə qədər bu PUA haqqında heç bir rəsmi açıqlama verilməyib. Məlumata əsasən "X-37b" kosmosda bir sıra tədqiqatlar aparıb.
Təyyarə "Boeing" şirkəti tərəfindən istehsal edilib. Bəzi iddialara görə bu təyyarə ABŞ tərəfindən casusluq məqsədi ilə istifadə edilir.
Uzunluğu 9 metr olan təyyarə günəş panelləri və litium-ion batareyaları ilə təchiz edilib. "X-37b" 900 km hündürlüyə qalxa bilir. Təyyarə kosmosa "Atlas V" raketi ilə göndərilib və Yerə bir təyyarə kimi enir.
Hikmət
Ölkə.Az
