Trampla Putinin görüşəcəyi tarıx məlum oldu

“Ölkə.Az” xəbər verir ki, bu səfər ABŞ-ın xarici işlər naziri Reks Tillersonun 12 apreldəki Moskva səfəri çərçivəsində aparılan danışıqların davamı olaraq baş tutub.

Səfərdən sonra mətbuat konfransında açıqlama verən Sergey Lavrov Rusiya prezidenti Vladimir Putin və ABŞ dövlət başçısı Donald Trampın bu ilin iyul ayında Almaniyada keçiriləcək "G20" sammitində görüşəcəklərini deyib. Onun sözlərinə görə, görüş Hamburq şəhərində baş tutacaq.

“Bu yaxınlarda prezidentlər arasında keçirilən telefon danışığı zamanı tərəflər iyulun əvvəlində, G-20 sammiti çərçivəsində görüşəcəklərini təsdiqləyiblər”, - deyə S.Lavrov vurğulayıb.

Rusiyalı nazir əlavə edib ki, o, səfər çərçivəsində mövcud problemlər barədə müzakirələr aparıb:

“Bu gün biz Reks Tillersonla görüşdə Suriya və digər məsələlərdə irəliləyişə nail olmaq və nəzərəçarpacaq nəticələrin əldə edilməsi məsələlərinə toxunduq. Düşünürəm ki, iki ölkə rəhbərlərinin görüşünə qədər apreldə və bu gün keçirilən danışıqlar vacib idi”.

Ziya Səccad
Ölkə.Az