Taylandda kral əleyhinə sosial şəbəkədə rəy yazanları 15 il həbs gözləyir
Taylandın hərbi xuntası "Facebook"un rəhbərliyindən müxalifəti susdurmağı tələb edib.
"Ölkə.Az" xəbər verir ki, hərbi xuntanın tələbinə əsasən krallığı tənqid edən paylaşımların "Facebook"dan silinməsi istənilib.
Bildirilir ki, əks-təqdirdə qanuni proses başlayacaq. Taylanddan girilən səhifələrdəki 130-dan çox paylaşımın gələn həftənin çərşənbə axşamına qədər silinməsi istənilib.
"Facebook" isə hökumətlərdən gələn bu tip tələbləri diqqətə aldıqlarını və yerli qanunlara zidd vəziyyətlərdə tələblərə uyğun davranacaqlarını bildirib. 2014-cü ildən hərbi xunta ilə idarə edilən Taylandda krala xəyanət qanunu çərçivəsində monarxiya əleyhinə edilən istənilən tənqid cəza ünsürü sayıla bilər. Kral ailəsini təhqir edən şəxsləri 15 ilə qədər azadlıqdan məhrum olma cəzası gözləyir.
Hikmət
Ölkə.Az
