Dünyada nadir tapılan “tək buynuzlu dəniz atı” görənləri heyrətləndirdi
Kanadanın qərb sahillərində olan balıqçılar dənizdə qeyri-adi heyvan müşahidə ediblər.
“Ölkə.Az” xəbər verir ki, balıqçılar dərhal əraziyə Vəhşi Təbiəti Ümumdünya Mühafizə Fondunun (WWF) əməkdaşlarını çağırıblar. Mütəxəssislər dənizdə görünən heyvanın təbiətdə nadir tapılan “tək buynuzlu dəniz atı” olduğunu deyiblər.
WWF nümayəndələri “tək buynuzlu dəniz atı”nın video görüntüsünü çəkiblər.
Qeyd edək ki, dəniz atının elmə məlum olan 32 növündən 30-u Qırmızı Kitaba salınıb. Erkəklərin doğduğu nadir heyvanlardan biridir. Dəniz atları açıq dənizlərdə 4-5 yaşına qədər yaşaya bilirlər. “Tək buynuzlu dəniz atı” isə burunun yuxarı hissəsindəki uzun və möhkəm buynuzu ilə fərqlənir. Onlar bundan özlərini müdafiə məqsədilə istifadə edirlər. Çox nadir görünən heyvanlardır.
Ziya Səccad
Ölkə.Az
