İŞİD İraq ordusunun vertolyotunu vurdu

“Ölkə.Az” xəbər verir ki, İŞİD terrorçuları Mosul şəhəri yaxınlığında İraq ordusuna məxsus vertolyotu vurublar. Ordu komandiri Yahya Rasulun verdiyi məlumata görə, vertolyot şəhərdə şiə mənsəbli dinc əhalinin terrorçulardan azad edilməsi istiqamətində aparılan əməliyyata dəstək verirmiş. 

Hərbi vertolyot vurulan zaman pilotunkatapult etdiyi bildirilir. Bu səbəbdən də, o sağ qalıb. 

Xatırladaq ki, 2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb.

Qeyd edək ki, hazırda Mosulun qərbində İŞİD terrorçuları 300 minə yaxın dinc əhalini nəzarətdə saxlayır. Terrorçular insanlara imkan vermirlər ki, şəhəri tərk etsinlər. Gizlincə şəhərdən qaçmaq istəyənlər isə öldürülür.

Ziya Səccad
Ölkə.Az