Sudan hökumətindən FETÖ-ya ağır zərbə

“Ölkə.Az” xəbər verir ki, Sudan hökumətinin qəbul etdiyi yeni qanuna görə, ölkədə fəaliyyət göstərən FETÖ məktəblərinin hamısı Türkiyə Təhsil Fondunun tabeliyinə verilib.

Bu səbəbdən də, Sudanda olan bütün FETÖ məktəblərinin siyahısı çıxarılıb. Təhsil müəssisələrinn sənədləri Türkiyənin Hartum şəhərindəki səfiri Cəmaləddin Aydına təqdim edilib.

Sudan Təhsil Nazirliyi ilə səfir arasında imzalanan razılaşmadan sonra ölkədəki bütün FETÖ ilə bağlı Türk təhsil müəssisələri Türkiyə Təhsil Nazirliyinə və Türkiyə Təhsil Fonduna tabe olacaqlar. Bununla da, oradakı təhsil müəssisələri Türkiyə qanunları ilə idarə ediləcəklər. Yəni Türkiyə hökuməti oradakı istədiyi məktəbi bağlaya biləcək.

Razılaşma qüvvəyə minəndən sonra səfir Cəmaləddin Aydın jurnalistlərə açıqlama verib. Səfir açıqlamasında bildirib ki, həmin müəssisələrdə təhsil alan şagird və tələbələr üçün heç bir problem olmayacaq.

“Təhsil müəssisələri fəaliyyətlərini davam etdirəcəklər. Sudanlı uşaqlar da bizim övladlarımızdır. Dəyişən təkcə rəhbərlik və tədris proqramları olacaq. Məktəblərimizi növbəti tədris ilində yeni məktəblərdə oxuyacaqlar”, - deyə səfir bildirib.

Ziya Səccad
Ölkə.Az