“TRT” kanalına yeni rəhbər təyin edildi
“Ölkə.Az” xəbər verir ki, yeni baş direktor İbrahim Erendır. Bu gündən o, baş direktor vəzifəsinin icrasına başlayıb.
Xatırladaq ki, ötən həftə TRT” kanalının baş direktoru Şenol Göka istefa verib. 55 yaşlı Gökanın yerinə təyinat olana qədər baş direktor vəzifəsini telekanalın qanunlarına uyğun olaraq onun müavini Erkan Durdu icra edib. Şenol Göka 2014-cü ilin oktyabrında “TRT”nin baş direktoru vəzifəsinə təyinat alıb.
Qeyd edək ki, yeni baş direktor İbrahim Eren Boğaziçi Üniversitetinin Siyasət və Beynəlxalq Əlaqələr faktultəsini bitirib. Londonda beynəlxalq mətbuat və televiziyaçılıq kursları keçib. ATV kanalında 3 il baş direktorun müavini vəzifəsində çalışıb. 2013-cü ilədn bəri TRT-də yüksək vəzifələrdə çalışıb. Evlidir, 3 övlad atasıdır.
Ziya Səccad
Ölkə.Az
