ABŞ Rusiya və Çinə çağırış edib

“Ölkə.Az” xəbər verir ki, bunu Ağ Evin mətbuat katibi Şon Spayser rasmi Vaşinqtonun həyəcan təbili çaldığını deyib. Onun sözlərinə görə, bütün beynəlxalq qanunları çeynəyən Şimali Koreyaya ən yaxşı təsir imkanına malik dövlətlər Rusiya və Çindir.

“Çin və Rusiya Şimali Koreyaya təzyiq göstərməlidir. Bu ölkələr də Pxenyana qarşı sanksiya tətbiq etməlidirlər. Düşünürəm ki, bu ölkələrin təzyiqi Şimali Koreyanı regionda tarazlığı pozmamağa vadar edə bilər”, - deyə Şon Spayser bildirib.

Ağ Ev rəsmisinin sözlərinə görə, Şimali Koreya təkcə Amerika üçün deyil, Rusiya, Çin və bütün dünya üçün təhlükə mənbəyidir:
 
“Şimali Koreyanın hərəkətləri tək ABŞ və onun tərəfdaşları deyil, bütün dünya ölkələri üçün qorxuludur. Bu təhlükə Rusiya və Çin üçün xüsusi gərginlik yaradır. Bu səbəbdən də, Rusiya və Çini Koreya yarımadasında vəziyyətin nizamlanması və sabitliyə nail olmaq üçün əllərindən gələni etməyə çağırırıq. Şimali Koreyanın qarşısı vaxtında alınmazsa, gələcəkdə dünyanın bir çox ölkələri iflic vəziyyətində qala bilər”.

Ziya Səccad
Ölkə.Az