Suriya-İordaniya sərhədində terror
Suriya-İordaniya sərhədində güclü partlayış baş verib.
“Ölkə.Az” xəbər verir ki, hadisə qaçqın düşərgəsi yaxınlığında qeydə alınıb. Bu barədə "Əl-Mayadin" kanalı məlumat yayıb.
Yayılan məlumata görə, hadisə terror aktı olub. Belə ki, bomba yüklü avtomobil qaçqın düşərgəsinin yaxınlığında partladılıb. Bildirilir ki, avtomobili idarə edən sürücü “canlı bomba” olub.
Partlayış nəticəsində çox sayda insan ölüb və yaralanıb.
Hadisənin hansı terror təşkilatı tərəfindən törədildiyi araşdırılır. Hələlik terrorla bağlı heç bir açıqlama verilməyib. Heç bir silahlı qruplaşma da məsuliyyəti öz üzərinə götürməyib.
Ziya Səccad
Ölkə.Az
