Ankarada polisə silahlı hücum

“Ölkə.Az” xəbər verir ki, polis məmuru U.C. naməlum şəxs, yaxud şəxslərin hücumuna məruz qalıb. Məmur xidməti vəzifədə olarkən kimliyi hələlik məlum olmayan şəxslər ona odlu silahdan atəş açmağa başlayıblar.

Ağır yaralanan polis əməkdaşı Polatlı Dövlət Xəstəxanasına yerləşdirilib. Həkimlər onun həyatı üçün təhlükə olduğunu bildiriblər. Hazırda polis əməkdaşının vəziyyəti ağırdır.

Hadisəni törədən şəxs, yaxud şəxslərin tutulması istiqamətində işlərə başlanılıb. Hadisə baş verən ərazidəki müşahidə kameraları izlənilir. Ətrafda olan hadisə şahidləri dindirilir.

İlkin ehtimala görə, hadisə hansısa terror qruplaşması tərəfindən planlaşdırılıb. Lakin dəqiq məlumatlar araşdırmalardan sonra məlum olacaq.

Faktla bağlı araşdırma aparılır.

Ziya Səccad
Ölkə.Az