Trampla Makron arasında ilk görüşün tarixi məlum oldu
“Ölkə.Az” xəbər verir ki, bu barədə Ağ Evdən bildirilib. Vurğulanıb ki, Tramp Makron ilə bir masa arxasında şam yeməyi yeyəcək. Daha sonra prezidentlər iki ölkə arasındakı münasibətlərdən danışacaqlar.
“D.Tramp ilə E.Makron arasında görüş razılaşdırılıb. Görüş zamanı ABŞ və Avropa İttifaqı arasında əlaqələrin inkişaf etdirilməsi, eyni zamanda iki ölkənin əməkdaşlığı müzakirə olunacaq. Müzakirələr zamanı siyasi, iqtisadi əlaqələr barədə danışıqlar aparılacaq. Eyni zamanda terrorla mübarizə, bu sahədə əməkdaşlıq barədə danışılacaq. Bu Trampla Makron arasında ilk görüş olacaq”, - deyə məlumatda bildirilib.
Qeyd edək ki, ABŞ prezidenti Donald Tramp bundan əvvəl bəyanatında may ayında Səudiyyə Ərəbistanına səfər edəcəyini bildirmişdi. Daha sonra İsrail və Vatikana gedəcəyini demişdi. D.Trampın əvvəlki planına görə, ən axırda Brüsselə və Siciliyada “Böyük yeddilər” görüşünə qatılacaq.
Ziya Səccad
Ölkə.Az
