Tramp: “Türkiyəni dəstəkləyirik”

“Ölkə.Az” xəbər verir ki, bu barədə Donald Tramp özü bildirib. O, Türkiyə prezidenti Rəcəb Tayyib Ərdoğanla Vaşinqtonda keçirdiyi görüşdən sonra birgə mətbuat konfransında deyib ki, terrorla aparılan mübazirədə ABŞ onların addımlarını dəstəkləyir.

“Bu gün biz yeni düşmənlə üzləşmişik və onunla birlikdə mübarizə aparmalıyıq. Biz son vaxtlar bir çox terror hücumları ilə üzləşmişik, biz birlikdəyik və Türkiyə xalqına dəstəyimizi təklif edirik. Biz terrorla mübarizədə öndə gedən, İŞİD və PKK kimi terror qruplaşmaları ilə mübarizə aparan Türkiyəni dəstəkləyirik”, - deyə Tramp bildirib.

Qeyd edək ki, bu gün Vaşinqtonda ABŞ və Türkiyə prezidentləri Donald Tramp və Rəcəb Tayyib Ərdoğan arasında görüş baş tutub. Görüşdən sonra Tramp və Ərdoğan birgə mətbuat konfransı keçirib.

Ziya Səccad
Ölkə.Az