Tramp İsrailə xəyanət edir?

“Ölkə.Az” xəbər verir ki, bu barədə “New York Times” məlumat yayıb. Verilən məlumata görə, həmin informasiyalar İsraildəki mənbədən əldə olunub. 

“İsrail ABŞ-ın Yaxın Şərqdəki ən mühüm tərəfdaşlarından biridir. Lakin Trampdan belə gözlənilməz addım çox müəmmalıdır. Trampın Rusiyanın yüksək vəzifəli məmurları ilə məxfi məlumatlarla bölüşməyə qərar verməsi İsrailə qarşı xəyanətdir. Bu addım ABŞ-İsrail münasibətlərinə ciddi xələl gətirə bilər”, - deyə qəzet yazıb.
 
Qəzet həmçinin srailin ABŞ-dakı səfiri Ron Dermerlə də əlaqə yaradıb. Səfir bildirib ki, İsrail Amerika ilə terrorla mübarizədə sıx əməkdaşlıq edir.
“İsrail hökuməti Amerika hakimiyyətinə etibar edir. İsrail həm terrorla mübarizədə ABŞ-a inanır, həm də onların kəşfiyyat məsələlərinə etibar edir. Bu səbəbdən də, ABŞ rəsmilərinin bu məsələdə nə etdiklərinə əmin olduqlarını bilirik”, - deyə səfir bildirib.

Qeyd edək ki, “The Washington Post” bundan əvvəl ABŞ administrasiyasına istinadən bildirmişdi ki, Tramp danışıqlar zamanı Lavrov və Kislyaka tamamilə məxfi məlumatlar təqdim edib və bununla mühüm məlumat mənbəyini təhlükə altına qoymuş olub.

Ziya Səccad
Ölkə.Az