Tramp müsəlman dövlətlərindən dəstək istədi

“Ölkə.Az” xəbər verir ki, Amerika rəhbəri bu ay İslam ölkələrinə səyahət edəndə bu barədə danışıqlar aparacağını bildirib. Onun sözlərinə görə, Səudiyyə Ərəbistanına səfəri zamanı ölkə başçısı ilə məhz bu barədə müzakirə aparacaq.

“Mən bu ölkənin rəhbəri ilə görüşəndə məhz bu barədə danışacağam. Səfərimin əsas məqsədi də budur. Ölkə başçısına bildirəcəyəm ki, radikal islamçılarla, terrorçularla mübarizə aparmaq elə İslam dininin də əsas vəzifələrindəndir”, - deyə Tramp bildirib.

Qeyd edək ki, Tramp mayın 20-də Səudiyyə Ərəbistanına ilk dəfə olaraq səfər edəcək. Tramp kral Salman bin Əbdüləziz əs-Səud ilə görüşəcək. Mayın 21-də isə 50 müsəlman ölkəsinin də qatılacağı konfransda iştirak edəcək. Həmin konfransa Nigeriya, Türkiyə və Misir nümayəndələri də qatılacaq. Tramp məhz həmin konfransda da bu məsələni açacaq və orada iştirak edən müsəlman ölkələrindən terrorçularla mübarizədə dəstək istəyəcək.

Ziya Səccad
Ölkə.Az