Polşada barıt zavodunda partlayış baş verib

“Ölkə.Az” xəbər verir ki, hadisə nəticəsində 2 nəfər ölüb, 17 nəfər xəsarət alıb. Yerli xilasetmə xidmətindən jurnalistlərə verilən məlumata görə, həmin şəxslər dağıntılar altında qaldıqları üçün ağır yaralanıblar və bu xəsarətlərdən də ölüblər.

"Partlayış nəticəsində 17 nəfər yaralanıb, onlardan 15-i həkimlərə müraciət edib, 4 nəfər xəstəxanaya yerləşdirilib. Xəstəxanaya yerləşdirilənlərdən biri artıq tibb müəssisəsindən buraxılıb. Bundan başqa, partlayış baş verən otağın içərisində 2 nəfər qalmışdı. Dağıntılar altından qalanları çıxaranda artıq onlar ölmüşdülər", - deyə məlumatda bildirilib.

Xilasetmə xidmətindən həmçinin bildirilib ki, ehtimal olunur dağıntılar altında yenə də insanlar qalıb. Bu səbəbdən də, axtarış tədbirləri davam etdirilir.

Bundan başqa, yanğınsöndürənlər ərazidə tüstüləyən yerləri tam söndürməyə çalışırlar ki, yenidən partlayış olmasın. Ərazi mühasirəyə alınıb. Ətrafdakı insanlar təxliyyə olunublar. Yaxınlıqdakı yollarda hərəkət məhdudlaşdırılıb.

Ziya Səccad
Ölkə.Az