Rusiyanın kəşfiyyat təyyarəsi Polşanın hava məkanını pozub

“Ölkə.Az” xəbər verir ki, bu barə Polşa Aviasiyasının mətbuat xidmətinin rəhbəri Marek Kvyatek bildirib. O, yerli kanallardan birinə məlumat verib ki, hadisə mayın 15-də səhər saatlarında baş verib.

“Bizim “F-16” qırıcılarımız hava məkanının pozulması barədə siqnal alıblar. Dərhal qırıcılar havaya qaldırılıb. Müəyyən edilib ki, Polşanın hava sərhəddini “İl-20M” tipli təyyarə pozub. Pilota dəfələrlə xəbərdarlıq edilsə də, buna əhəmiyyət verilməyib. Qırıcılarımız məcburi şəkildə təyyarəni endiriblər”, - deyə qurum rəhbəri bildirib.

Onun sözlərinə görə, Rusiyaya məxsus kəşfiyyat təyyarəsi saxlanılıb.

Rusiya Müdafiə Nazirliyi isə məsələni təqzib edib. 

Ziya Səccad
Ölkə.Az