Əfqanıstanda İŞİD terrorçuları televiziya binasına hücum etdi
Əfqanıstanın Nanqarhar vilayətinin Cəlilabad şəhərində silahlı şəxslər Milli Radio və Televiziya binasına hücum edib.
“Ölkə.Az” xəbər verir ki, hadisə nəticəsində 4-ü televiziya əməkdaşı olmaqla 6 nəfər ölüb, 18 dinc sakin yaralanıb.
Hadisə yerinə polis çağırılıb. Silahlılarla polis arasında atışma baş verib. Əfqanıstan təhlükəsizlik qüvvələri dörd saatlıq döyüşdən sonra silahlıları zərərsizləşdirib. Məlumata əsasən, hücumu həyata keçirən üç nəfərdən 2-si öldürülüb, biri yaralanıb. Yaralı polislər tərəfindən saxlanılıb.
Hücuma görə məsuliyyəti İŞİD terror qruplaşması öz üzərinə götürüb.
Ziya Səccad
Ölkə.Az
